Tədqiqatın məqsədi – sənaye müəssisələrində çalışan işçi heyətinin planlaşdırılması, onların əməyinin stimullaşdırılması, karyerasının inkişafı və sair məsələlərin elmi cəhətdən araşdırmaqdır. Əmək resursları cəmiyyətin ak­tiv sosial ehtiyatları kimi maddi ne­mətlərin yara­dıl­ması və xidmətlərin göstərilməsi prosesində birbaşa iştirak edən aktiv ünsürlərdir. İnsan resursları milli iqtisadiyyatın və onun bütün sahələrində özünü ən zəruri və vacib resurs kimi göstərir, fəaliyyətin təşkili, idarə edilməsi və icrasında özünün əqli, mənəvi, psixoloji imkanlarından istifadə edərək yaradıcı komponent kimi çıxış edir. İnsan resursları yeganə resurs kimi digər maddi, texniki, texnoloji, maliyyə, informasiya resurslarını öyrənir, araş-dırır, təhlil edir, hətta onla­rın bir-birinə təsirlərini yaradır.

Tədqiqatın metodologiyası – insan resurslarının idarə edilməsi məsələsini sistemli və kompleks araşdırmaqdır. Müəssisə və təşkilatlarda insan resurslarının idarə edilməsi idarə­et­mə fəaliyyətinin əsas alt sistemlərindən biri hesab edilir. Çünki bu məsələ müəssisənin əsas fəaliyyətinin inkişafına, məhsul istehsalının həcminin artırıl­ma­sı­na, keyfiyyətin yüksəldilmə-sinə, əmək məh­sul­dar­lı­ğının artırılmasına, iqtisadi sə­mə­rə­lilik göstəricilərinin yüksəldilməsinə bir başa təsir göstərir.

Tədqiqatın tətbiqi əhəmiyyəti - əldə edilmiş nəticələri sənaye müəssisələrinin idarə edilməsində tətbiq etməkdir. Müəssisə və təşkilatların idarə edilməsinin strateji aspektləri, onların inkişafına, davamlı və dayanıqlı fəaliyyətinə səbəb olur.

Tədqiqatın nəticələri – insan resurslarının strateji idarə edilməsinin təkmilləşdirilməsi, bu sahədə konseptual yeniliklərdən ibarətdir. Tədqiqatın nəticələrinin  sənaye müəssisələrinin fəaliyyətində tətbiqi, həmin müəssisələrin insan resurslarının təkmilləşdirilməsinə, əmək fəaliyyətində inkişafına və stimullaşdırlmasına xidmət edir.

Tədqiqatın orijinallığı və elmi yeniliyi – insan resurslarının idarə edilməsində strateji hədəflərin müəyyən edilməsi, müəssisədə uğurlu kadr siyasətinin müəyyən olunması, bu sahədə korporativ vahid konsepsiyanın olması, heyətin təkmilləşdirilməsi və onun karyera-sının inkişafının yeni texnologiyasının irəli sürülməsindən ibarətdir. İdarəetmənin funksiyala-rının icrası və metodlarının tətbiqi mexanizmində yeniliklərin olunması təşkilatda əmək resurslarının motivləşdirilməsinin əsasını təşkil edir. Əmək resurslarının strateji idarə edilməsi pros­e­sin­də idarəetmənin bü­tün funk­si­ya­ları və metodları tə­t­­biq olunur. İdarəetmənin metodları sosial xarakter da­­şımaqla iş­çi­ləri, əmək resurslarını əmək fəa­liy­yə­tin­də fəallaşdırır, aktivləş-dirir və inkişafa, nə­ti­cə­yə yö­nəl­dir. İdarəetmənin üsulları müəssisənin maliyyə-iq­ti­sadi fəaliy­yə­tinin genişlən­di­ril­mə­sinə, təsərrüfat­çı­lıq fəaliyyətinin in­kişa­fına, əmək eh­tiyatlarının fəaliy-yətdə fəallı­ğının artırıl­ma­sı­na səbəb olur. İdarəetmənin metodları tə­­rəf­daş­ların, partnyorların, təchiza­t­çıların, alı­cı­ların cəlb olun­masına, rəqabət qa­bi­liy­yətinin güclən­diril­mə­sinə im­kan ya-radır. Bu nöqteyi nəzərdən tədqiqatımız idarəetmədə yeniliklərin tətbiqi baxımından təq-dirəlayiq hesab edilə bilər.

Açar sözlər: idarəetmə, insan resursları, heyət, stimullaşdırma, kadr siyasəti, əmək fəaliy­­yə­ti.