Tədqiqatın məqsədi – elmi-tədqiqat xidmətlərinin diversifikasiyalaşdırılmasında biznes proseslərinin strateji əhəmiyyətinin tədqiqindən ibarətdir. Bunun üçün elmi-tədqiqat xidmətlərinin müasir dövrdə strateji rolu və əhəmiyyəti, bunlarla bağlı problemlər açıqlan­mışdır. Elmi-tədqiqat sahələrinin və müəssisələrinin fəaliyyətinin təşkilində biznes proseslərin səmərəliliyinin mühüm aspektləri araşdırılmışdır. Elmi proseslərin və tədqiqatların nəticə­lə­rinin kommersiyalaşdırılması məsələlərinə sistemli yanaşma diqqət mərkəzində saxla­nıl­mışdır. Azərbaycanda elmi-tədqiqatlar istiqamətində aparılan dövlət siyasəti və bu sahələrə yönəl­dilən maliyyə resursları təhlil olunmuşdur. Ölkədə elmi-tədqiqatlarla məşğul olan təşki­lat­ların və müəssisələrin fəaliyyətində biznes proseslərin intensiv tətbiqinə dair araşdırmalar aparılmışdır. Bazar iqtisadi şəraitində elmi-tədqiqat xidmətlərinin diversifi­ka­si­yalaş­dırıl­ma­sında biznes proseslərin multiplikativ təsiri baxılmışdır.

Tədqiqatın metodologiyası – araşdırılması nəzərdə tutulan problemlərə sistemli və kompleks yanaşma, müasir dövrdə elmi-tədqiqat xidmətlərinin diversifikasiyalaşdırılmasında biznes proseslərinin strateji əhəmiyyətinin səmərəli təşkili ilə bağlı forma və metodlardan ibarətdir.

Tədqiqatın tətbiqi əhəmiyyəti - alınmış nəticələrdən qlobal vəziyyətin dərinləşdiyi bir dövrdə elmi-tədqiqat xidmətlərinin əhatəsinin genişləndirilməsi, bu istiqamətdə biznes proses­lə­rin təşkili ilə bağlı problemlərin həll olunmasında tədbirlər kompleksinin və fəaliyyət stra­te­giyasının hazırlanmasında istifadə edilə bilər.

Tədqiqatın nəticələri – yaxın və uzaq perspektivdə qlobal çağırışlar və elm tex­nologiyaların inkişaf kontekstində elmi-tədqiqat xidmətlərinin diversifikasiyalaşdırlıması, bu proseslərdə daha təsirli fəaliyyət mexanizmlərin tətbiqi üzrə tövsiyələrin və təkliflərin hazırlanmasından ibarətdir.

Tədqiqatın orijinallığı və elmi yeniliyi – məqalədə baxılan  mürəkkəb problemlər üzrə bazar iqtisadiyyatı və qlobal kontekstdən çıxış etməklə müasir yanaşmalar və baxışlar for­ma­laş­dırmışdır. Elmi-tədqiqat xidmətlərinin diversifikasiyalaşdırılmasında biznes pro­ses­lə­rinin təşkilinə strateji yanaşmaların təmin olunmasının vacibliyi əsaslandırılmışdır. Elm-təd­qi­qat xid­mətlərinin strukturunun genişləndirilməsinin əhəmiyyəti və bununla bağlı olaraq biznes pro­seslərin işlək mexanizmlərin intensiv tətbiq olunmasının zəruriliyi bildirilimişdir. El­mi-tədqiqatlar nəticəsində əldə olunmuş əhəmiyyətli və perspektivli elmi-texniki və elmi-iqtisadi nəticələrin praktiki olaraq tətbiqinin səmərəli təşkili məsələlərinə strateji yanaş­ma­ların gös­tərilməsi ön plana çəkilmişdir. Elmi-tədqiqat müəssisələrində biznes proseslərin sə­mə­­rə­l­i­li­yinin artırılması istiqamətləri üzrə əsaslandırılmış tövsiyələr hazırlanmış və təkliflər irəli sürülmüşdür.

Açar sözlər: elmi-tədqiqat xidmətləri, diversifikasiyalaşdırma, biznes prosesləri, biz­nes proseslərin səmərəliliyi, biznes-innovasiyalar, elmi-tədqiqat xidmətlərinin diversifika­si­yalaş­dırılması, tədqiqatın nəticələrinin biznesə tətbiqi.