X Ü L A S Ə

Tədqiqatın məqsədi - Azərbaycanda istehsal olunan məişət mallarının tanınmış Azərbaycan brendi kimi qlobal bazarda tanıdılması, ixrac potensialının və beynəlxalq rəqabət qabiliyyətinin artırılması strategiyalarını təhlil etməkdir.

Tədqiqatın metodologiyası - bu tədqiqatda Azərbaycan məişət mallarının qlobal bazara çıxarılması üçün effektiv strategiyaların formalaşdırılması üçün bazar təhlili, uğurlu milli brendinq strategiyalarının nümunə araşdırmaları və istehlakçıların qavrayışının keyfiyyətcə qiymətləndirilməsi daxil olmaqla qarışıq metodlu yanaşma tətbiq edilir.

Tədqiqatın tətbiqi əhəmiyyəti - ölkənin iqtisadi artımına və qlobal bazarda iştirakına töhfə verən Azərbaycan məişət mallarının brendləşdirilməsi, marketinqi və ixracının geniş-ləndirilməsi üçün praktiki strategiyaların işlənib hazırlanmasından ibarətdir.

Tədqiqatın nəticələri - keyfiyyət, rəqabətqabiliyyətlilik və milli kimliyi vurğulayaraq, Azərbaycan məişət mallarının qlobal bazarda yerləşdirilməsi üçün effektiv brendinq, marketinq və ixrac strategiyalarını vurğulayır.

Tədqiqatın orijinallığı və elmi yeniliyi - yerli istehsal imkanlarını və beynəlxalq bazar tendensiyalarını nəzərə alaraq Azərbaycan məişət mallarının qlobal bazarda yerləşdirilməsi üçün brendinq, marketinq və ixrac strategiyalarının işlənib hazırlanmasına kompleks yanaşmasındadır.

Açar sözlər: məişət əşyaları, Azərbaycan brendi, qlobal bazar, ixrac strategiyaları.