Tədqiqatın məqsədi - qida təhlükəsizliyinin beynəlxalq problemini öyrənmək və onun həlli mexanizmlərini nəzərdən keçirmək, o cümlədən Azərbaycanda qida təhlükəsizliyinin gücləndirilməsi istiqamətlərini müəyyən etməkdir.

Tədqiqatın metodologiyası - qida bazarının inkişafı və onun tənzimlənməsinə dair yerli və xarici alimlərin elmi işlərinin, qida təhlükəsizliyi sahəsində iqtisadçı alimlərin işlərinin və bu mövzuda elmi konfransların materiallarının təhlili və qiymətləndirilməsindən ibarətdir.

Tədqiqatın tətbiqi əhəmiyyəti - təchizat və satınalma infrastrukturunun genişləndirilməsi kənd təsərrüfatının təchizat zəncirinin yaxşılaşdırılmasında, məhsul itkilərinin, həddindən artıq qiymət dəyişkənliyinin qarşısının alınmasında və idxaldan asılılığın daha da azaldılma- sında rol oynayacaq.

Tədqiqatın nəticələri aşağıdakı kimidir: ərzaq bazarı müəyyən iqtisadi fəaliyyət növünü və iqtisadi münasibətlərin formalaşmasını, habelə bazar və ya inzibati-bölmə mexanizmlərinə əsaslanan münasibətləri xarakterizə edən ümumi anlayış kimi qəbul edilməlidir; ərzaq bazarının inkişafı məhsul təklifinin və əhalinin tələbinin vəziyyəti ilə müəyyən edilir; Əhalinin pul gəlirləri həm də həyat səviyyəsinin və ərzaq bazarının vəziyyətinin mühüm göstəricisidir; əhalinin pul gəlirlərinin və həyat səviyyəsinin dəyişməsi istehlak strukturunda dəyişiklikləri müəyyən edir ki, bu da öz növbəsində ərzaq bazarında özünü göstərir.

Tədqiqatın orijinallığı və elmi yeniliyi qida bazarının inkişafı əsasında qida təhlükəsizliyini təmin edən elmi-metodiki müddəalar kompleksinin işlənib hazırlanmasındadır.

Açar sözlər: qida təminatı, sosial-iqtisadi inkişaf, tendensiyalar, qida bazarı, məhsul, qlobal çağırışlar.