Tədqiqatın məqsədi - Azərbaycanda innovasiya mühitinin təkmilləşdirilməsi prob­lem­lə­ri və həlli yollarının müəyyənləşdirilməsindən ibarətdir. Bu məqsədlə ölkəmizdə innovasiya mühitinin təkmilləşdirilməsi problemləri açıqlanmışdır. Milli iqtisadiyyatın inkişafı və onun səmərəliliyinin artırılmasında innovasiyaların əhəmiyyəti araşdırılmışdır. İnnovasiyaların iş­lən­­məsi, yayılması və innovasiya proseslərinin idarəetmə metodlarının təkmilləşdirilməsinin va­cibliyi əsaslandırılmışdır. Ölkədə mövcud innovasiya mühitinin təkmilləşdirilməsi və in­ves­torlar üçün əlverişli innovasiya mühitinin yaradılması, innovasiya infrastukturunun for­malaş­dırılması ilə bağlı məsələlərə baxılmışdır.

Tədqiqatın metodologiyası - sistemli və müqayisəli təhlil, innovasiya mühitinin tək­mil­ləşdirilməsi problemləri və həlli yolları üzrə vacib məsələlərdən çıxış etməklə, metodoloji ya­naş­malar və üsullardan, müxtəlif tədqiqatçıların elmi baxışlarından və əsərlərində yer almış elmi müddəalardan, fikir və mülahizələrdən ibarətdir.

Tədqiqatın tətbiqi əhəmiyyəti - tədqiqatda verilmiş materiallardan və əldə olunmuş nəticələrdən Azərbaycanda milli innovasiya sisteminin formalaşdırılması, bu sahədəki prob­lem­lərin həll olunması məqsədilə zəruri konsepsiya və strategiyaların, kompleks tədbirlərin, döv­lət proqramlarının hazırlanmasında, həmçinin dərsliklərin və dərs vəsaitlərinin yazıl­ma­sın­da istifadə oluna bilər.

Tədqiqatın nəticələri – müasir dövrdə innovasiya mühitinin təkmilləşdirilməsi prob­lem­ləri və həlli yollarının müəyyənləşdirilməsi üzrə konseptual yanaşmaların təmin edilməsi, töv­siyələr və təkliflərin hazırlanmasıdır.

Tədqiqatın orijinallığı və elmi yeniliyi – tədqiqat işi qoyulan problemlər üzrə müxtəlif təd­qiqatçıların elmi əsərlərinə istinad olunsa da, əsas etibarı ilə müəllif yanaşması, müəllif tə­xə­y­yülü və əldə etdiyi nəticələrdən ibarətdir. Tədqiqatın elmi yeniliyin əsasında Azər­bay­can­da innovasiya mühitinin təkmilləşdirilməsi problemləri və həlli yolları üzrə müasir baxışların for­malaşdırılması və əsaslandırılmasıdır. Ölkəmizdə innovasiya proseslərinin sürətlən­di­ril­mə­si, inovasiya mühitinin cəlbediciliyinin artırılmasının vacibliyini şərtləndirən amillər sistem­ləş­dirilmiş və ümumiləşdirilmişdir. İnnovasiyaların işlənməsi, hazırlanması və tətbiqini lən­gi­dən amillər, səbəblər sistemli şəkildə araşdırılmış və açıqlanmışdır.

Açar sözləri: innovasiya mühiti, innovasiya fəaliyyəti, yeni texnika, texnologiyalar ba­za­rı, innovasiyalar bazarı, innovasiya siyasəti, innovasiya-investisiya cəlbediciliyi.