Tədqiqatın məqsədi - Azərbaycanda qeyri-neft sektorunun tənzimlənməsinin qanun­v­e­ri­cilik bazasının gücləndirilməsi məsələlərinin tədqiqindən ibarətdir. Bu məqsədlə qeyri-neft sek­torunun inkişafı prosesləri və prioritet fəaliyyət istiqamətlərinin tənzimlənməsi me­xa­nizm­lə­ri təhlil olunmuşdur. İnvestisiyaların qorunması, investisiya fəaliyyətinin stimullaşdırılması ilə bağlı qanunvericilik bazasının adekvatlığı baxılmış və qiymətləndirilmişdir. Qeyri-neft sek­torunun müxtəlif sahələrinə investisiyaların daha fəal cəlbinə imkan verən qanunvericilik ba­zasının yaradılmasının vacibliyi bildirilmişdir. Bu istiqamətdə tətbiq edilən fəaliyyət me­xa­nizm­lərinin müasir dövrün çağırışlarına uyğun şəkildə tənzimlənməsinin əhəmiyyəti açıq­lan­mış­dır.

Tədqiqatın metodologiyası - sistemli və kompleks təhlil, qeyri-neft sektorunun tənzim­lən­məsinin qanunvericilik bazasının gücləndirilməsi məsələləri üzrə metodoloji yanaşmalar və üsullardan, bu sahədə dünya təcrübəsinin əsas müddəalarından və müasir dövrün yanaş­ma­la­rından ibarətdir.

Tədqiqatın tətbiqi əhəmiyyəti - tədqiqatda verilmiş materiallardan və əldə olunmuş nə­ti­cələrdən Azərbaycanda qeyri-neft sektorunun tənzimlənməsinin qanunvericilik bazasının güc­­ləndirilməsi istiqamətində tədbirlərin hazırlanmasında, yeni qanunların və qanunvericilik akt­larının qəbul edilməsində  istifadə oluna bilər.

Tədqiqatın nəticələri – Azərbaycanda qeyri-neft sektorunun tənzimlənməsinin qanun­ve­ricilik bazasının gücləndirilməsi üzrə müasir dövrün tələblərinə uyğun şəkildə konseptual ya­naş­maların təmin edilməsi, tövsiyələr və təkliflərin hazırlanmasıdır.

Tədqiqatın orijinallığı və elmi yeniliyi – tədqiqat işində baxılan problemlər fun­da­men­tal araşdırılmaqla, onların mahiyyəti açıqlanmışdır. Qeyri-neft sektorunun inkişafının sü­rət­lən­dirilməsi məqsədilə, güclü infrastrukturun və maddi-texniki bazanın yaradılmasına imkan ve­rən qanunvericilik aktlarının və normativ sənədlərinin hazırlanmasının tezləşdirilməsinin va­cibliyi əsaslandırılmışdır. Sahibkarlığın inkişafına mane olan amillərin aradan qal­dı­rıl­ma­sını sürətləndirən dövlət tənzimlənməsi mexanizmlərinin hazırlanması və tətbiq olunmasının va­cibliyi ön plana çəkilmişdir. Qeyri-neft sektorunun inkişafının və tənzimlənməsinin qa­nun­v­e­ricilik bazasının təkmilləşdirilməsi məqsədilə, kiçik və orta sahibkarlıq səviyyəsində inki­şafın təmin edilməsinin hüquqi bazanın gücləndirilməsinə xüsusilə diqqətin göstə­ril­mə­sinə zərurətin olması əsaslandırılmışdır.

Açar sözlər: qeyri-neft sektoru, iqtisadiyyatın tənzimlənməsi, qanunvericilik bazası, qeyri-neft sektorunun inkişaf istiqamətləri, iqtisadiyyatın inkişafına mane olan problemlər, in­no­­vasiya fəaliyyəti, milli innovasiya sistemi.