X Ü L A S Ə

Tədqiqatın məqsədi – turizm sektorunda xidmət iqtisadiyyatının inkişafına dair bey­nəlxalq təcrübənin analitik qiymətləndirilməsi, bu təcrübənin Azərbaycan şəraitinə uyğun tət­biq imkanlarının müəyyənləşdirilməsi və xidmət yönümlü turizm inkişaf modelinin əsas­lan­dırılmasıdır.

Tədqiqatın metodologiyası – tədqiqatda müqayisəli təhlil, sistemləşdirilmiş ədəbiyyat icmalı, struktur-funksional yanaşma, statistik məlumatların təhlili, eləcə də beynəlxalq təcrü­bələrin Azərbaycan reallıqları ilə uzlaşdırılması metodlarından istifadə edilmişdir.

Tədqiqatın tətbiqi əhəmiyyəti – əldə olunan nəticələr turizm siyasətinin və dövlət proq­­ramlarının təkmilləşdirilməsi, xidmət keyfiyyəti standartlarının inkişaf etdirilməsi, rə­qəm­sal turizm həllərinin genişləndirilməsi, dövlət–özəl tərəfdaşlığı mexanizmlərinin optimal­laş­dırılması və turizm üzrə strateji qərarların qəbulunda tətbiq oluna bilər.

Tədqiqatın nəticələri – müəyyən edilmişdir ki, turizm xidmətləri sektorunun inkişafı Azərbaycanın iqtisadi diversifikasiyası və dayanıqlı inkişafı üçün yüksək potensiala malikdir, xüsusilə rəqəmsal texnologiyaların tətbiqi, xidmət keyfiyyətinin yüksəldilməsi, regional klas­ter yanaşması və dövlət–özəl əməkdaşlığının gücləndirilməsi turizmin ÜDM və məşğul­luğa töh­fəsini artırmaqla yanaşı, enerji sektorundan asılılığın azalmasına şərait yaradır.

Tədqiqatın orijinallığı və elmi yeniliyi – məqalədə xidmət yönümlü turizmin beynəl­xalq mexanizmləri sistemli müqayisəli təhlil edilmiş, Azərbaycanın resurs potensialı və ida­rəet­mə mühiti nəzərə alınmaqla rəqəmsal inteqrasiya, milli keyfiyyət standartları, regional klas­terləşmə və davamlılıq prinsiplərini birləşdirən adaptasiya edilə bilən xidmət yönümlü turizm inkişaf modeli elmi əsaslarla təklif olunmuşdur.

Açar sözlər: turizm xidmətləri, xidmət iqtisadiyyatı, rəqəmsal turizm, smart turizm, dövlət–özəl tərəfdaşlığı, regional klasterlər, dayanıqlı turizm.

http://doi.org/10.59610/bbu1.2026.1.8.