Tədqiqatın məqsədi – Azərbaycanda neft sahəsində ekoloji-iqtisadi problemlərin idarəetmə mexanizmlərinin təkmilləşdirilməsi istiqamətlərinin tədqiqindən ibarətdir. Bu məqsədlə, ekoloji-iqtisadi sistemin mahiyyəti və xüsusiyyətləri üzrə problemlər açıqlanmış və sistemləşdirilmişdir. Neft sahəsində ekoloji-iqtisadi problemlərin idarəetmə mexanizmlərinin təkmilləşdirilməsi məsələlərinə baxılmışdır. Ekoloji-iqtisadi amilin ölkənin dayanıqlı və da­vam­lı inkişafında roluna və təsirinə diqqət yönəldilmişdir. Neft hasilatı proseslərində ətraf mühitin və atmosferin çirklənməsi ilə bağlı problemlərin həlli yolları üzrə araşdırmalar aparıl­mışdır. Neft sənayesi müəssisələrində tullantısız texnologiyalardan istifadənin genişlən­diril­məsinin vacibliyi əsaslandırılmışdır. Dünyada ekoloji problemlərin artdığı bir dövrdə neft sə­nayesində ekoloji-iqtisadi fəaliyyətin idarəetmə mexanizmlərinin təkmilləşdirilməsi isti­qa­mət­ləri üzrə yeni yanaşmalar müəyyənləşdirilmişdir.

Tədqiqatın metodologiyası – baxılan problemlər üzrə sistemli və müqayisəli təhlil, Azərbaycanda neft sahəsində ekoloji-iqtisadi problemlərin idarəetmə mexanizmlərinin təkmil­ləş­dirilməsi istiqamətlərinin müəyyənləşdirilməsi ilə bağlı maksimum səmərəli üslublardan, metodlardan, həmçinin həmin problemlərə dair müxtəlif tədqiqatçıların fikir­lə­rin­dən ibarətdir.

Tədqiqatın tətbiqi əhəmiyyəti – əldə olunmuş nəticələrdən və elmi-iqtisadi müd­də­a­lar­dan, verilmiş təkliflərdən ölkəmizin neft sahəsində ekoloji-iqtisadi problemlərin idarəetmə mexanizmlərinin təkmilləşdirilməsi istiqamətləri üzrə fəaliyyət strategiyalarının, kompleks tədbirlərin və dövlət proqramlarının hazırlanmasında istifadə edilə bilər.

Tədqiqatın nəticələri – Azərbaycanda neft sahəsində ekoloji-iqtisadi problemlərin ida­rəetmə mexanizmlərinin təkmilləşdirilməsi istiqamətləri üzrə müasir dövrün tələbləri nəzərə alın­maqla yanaşmaların müəyyənləşdirilməsi, mövcud problemlərin həlli yolları üzrə tövsiyələrin hazırlanması və təkliflərin verilməsindən ibarətdir.

Tədqiqatın orijinallığı və elmi yeniliyi – işdə araşdırılması nəzərdə tutulan aktual problemlər üzrə qlobal iqtisadi və ekoloji çağırışlar prizmasından yanaşmalar müəy­yən­ləş­dirilmiş və müasir baxış formalaşdırılmışdır. Neft sahəsində ekoloji-iqtisadi prob­lemlərin ida­rə­etmə mexanizmlərin təkmilləşdirilməsinin obyektiv zərurət olduğu əsas­lan­dırmışdır. Eko­lo­ji-iqtisadi amilin strateji səviyyədə dəyərləndirilməsi və neft hasilatı proseslərində ob­yek­tiv qiymətləndirilməsi təmin olunmuşdur. Neft sahəsi müəssisələrində ekoloji-iqtisadi prob­­lem­lə­rin idarə olunması, həll yollarının tapılması proseslərinin səmərəli təşkilinin va­cib­li­yi­nə diqqət yönəldilmişdir. Ekoloji-iqtisadi sistemin işlək idarəetmə mexanizmlərinin ya­radıl­ma­sının strateji əhəmiyyəti əsaslandırılmışdır. Azərbaycanda neft sahəsinin iqtisa­diy­yat­da aparıcı rolu əsas götürülməklə, ekoloji-iqtisadi problemlərin həlli istiqamətində fəa­liy­yət proseslərinin idarəetmə mexanizmlərinin təkmilləşdirilməsi yolları üzrə uzunmüddətli dövr nəzərə alınmaqla təkliflər hazırlanmışdır.

Açar sözlər: ekoloji-iqtisadi problemlər, neft sahəsi, ekoloji-iqtisadi sistem, ekoloji-iqtisadi problemlərin idarəetmə mexanizmləri, ekoloji-iqtisadi problemlərin müasir aspektləri, idarəetmə mexanizmlərinin səmərəliliyi, idarəetmə mexanizmlərinin təkmilləşdirilməsi isti­qa­mət­ləri.