X Ü L A S Ə

Tədqiqatın məqsədi - Qarabağ və Şərqi Zəngəzur iqtisadi rayonlarında sənaye siyasəti­nin həyata keçirilməsinin demoqrafik proseslərə təsirini öyrənmək və bu təsirlərin uzunmüd­dətli inkişaf perspektivlərini müəyyən etməkdir.

Tədqiqatın metodologiyası - araşdırmada müqayisəli təhlil, statistik göstəricilərin işlən­məsi, cədvəl və qrafiklər əsasında qiymətləndirmə üsulları tətbiq olunmuşdur.

Tədqiqatın tətbiqi əhəmiyyəti - nəticələr dövlət orqanlarının, iqtisadi siyasət qurum­ları­nın və sosial layihə planlaşdırıcılarının işğaldan azad edilmiş ərazilərin bərpasında qərarvermə prosesinə faydalı töhfə verə bilər.

Tədqiqatın nəticələri - analiz göstərir ki, sənaye zonalarının inkişafı bölgədə əhali artı­mı, məskunlaşma və sosial rifah səviyyəsinin yüksəlməsinə müsbət təsir göstərir.

Tədqiqatın orijinallığı və elmi yeniliyi - məqalə işğaldan azad olunmuş ərazilərdə sənaye-demoqrafik əlaqələrin öyrənilməsinə həsr edilmiş ilk sistemli yanaşmalardan biridir və mövcud statistika əsasında real qiymətləndirmə təqdim edir.

Açar sözlər: sənaye siyasəti, demoqrafiya, Qarabağ, Şərqi Zəngəzur, bərpa, inkişaf.

http://doi.org/10.59610/bbu3.2025.3.13