KOS-LARDA İNVESTİSİYA PORTFELİNİN DİVERSİFİKASİYASI VƏ OPTİMAL RİSK İDARƏETMƏSİNİN TƏHLİLİ

X Ü L A S Ə

Tədqiqatın məqsədi – tədqiqatın başlıca məqsədi Azərbaycan üzrə kiçik və orta sahibkarlıq subyektlərinin investisiya portfelinin diversifikasiyası və onların fəaliyyətlərinin iqtisadi nəticələri üçün mühüm əhəmiyyət kəsb edən təkliflər verilməsindən ibarətdir.

Tədqiqatın metodologiyası – tədqiqatın aparılması zamanı kontent təhlili, ikincili məlumat təhlili, analiz, sintez və s. metodlarından geniş istifadə olunmuşdur.

Tədqiqatın tətbiqi əhəmiyyəti – KOS-ların investisiya portfeli diversifikasiyasının və düzgün optimal risk idarəetmə strategiyalarının seçilməsinin inkişaf etdirilməsinə dair bir sıra plan və proqnozların hazırlanmasında bu tədqiqatın nəticələrindən istifadə edilə bilər.

Tədqiqatın nəticələri – KOS-larda rəqabətqabiliyyətliliyin artırılması istiqamətləri kimi əsasən elmi texniki yenilik, investisiya portfelinin düzgün formalaşdırılması və bölgüsü, həmçinin optimal risk idarəetməsi qeyd olunmuşdur.

Tədqiqatın orijinallığı və elmi yeniliyi – KOS-larda investisiyaların bölgüsü və risklərin minimuma endirilməsi istiqamətində təhlil aparılmış və müvafiq təkliflər verilmişdir.

Açar sözlər: KOS, investisiya, diversifikasiya, portfel, risk.

http://doi.org/10.59610/bbu1.2025.1.3