Dünyada elektron mexanizmlərdən istifadə edilməsi, hər yerdə rəqəmsəl informa­siyanın ya­ran­­­­ması və mövcudluğu nəticəsində hal-hazırda daimi yaradılan böyük miqdarda mə­lu­mat­la­rın xarakteri köklü şəkildə dəyişmişdir ki, bu da  “böyük həcmli” məlumatlar (big data) ad­lan­dırılır.

Bu məlumatlar ənənəvi mənbələrdən əldə edilən məlumatlarla müqayisədə mühüm fərq­lən­­dirici xüsusiyyətlərə malikdir. Belə innovasiya mənbələrindən alınan məlumatlara olduqca geniş bölgü dairəsi, təşkil edilməmiş struktur, böyük həcm və real vaxt miqyasında tez da­xil­ol­ma xasdır.

Daha etibarlı informasiya və statistik məlumatlar dövlət hakimiyyəti orqanlarına yerinə yeti­rilmiş işlərin nəticələrini izləməyə imkan və etibarlı əsasda qərarlar qəbul etməyə təminat verir.

Böyük həcmli məlumatlar rəsmi statistikanın inkar edə bilmədiyi məlumat mənbəyidir. 

Məqalədə rəsmi statistika üçün böyük həcmli məlumatların strateji dəyəri müəyyən edilir, statistika xidmətinin istifadəçilərlə qarşılıqlı fəaliyyətinin, müxtəlif mənbələrdən əl­də edi­lən məlumatların inteqrasiyasının, rəqəmsal iqtisadiyyat şəraitində informasiya ilə intel-lektual işin təşkili məsələlərinə baxılır.

Məqalədə «böyük həcmli məlumatlar» anlayışının mahiyyəti izah edilir, onun xarak­te­ris­­tikası verilir, rəsmi statistikanın hazırlanmasında böyük həcmli məlumatlardan istifadənin im­kanları əsaslandırılır, həmçinin bununla bağlı problemlər göstərilir.

Acar sözlər: rəqəmsal iqtisadiyyat, məlumatlar, böyük həcmli məlumatlar, rəsmi sta­tis­ti­ka, informasiyanın məxfiliyi, respondentlərə düşən yük, beynəlxalq statistika standart­ları, mə­lumatların inteqrasiyası.