Tədqiqatın məqsədi - məqalədə Azərbaycanın beynəlxalq ticarət əlaqələrinin inkişafı və dünya təsərrüfatına inteqrasiyası  mərhələləri, əsas prinsipləri tədqiq edilir. Xüsusi ilə bey­nəl­xalq səviyyədə qəbul edilmiş qaydalar, mövcud mexanizmlər və tam hüquqlu tərəfdaş olmanın modelləri göstərilmişdir.

Tədqiqatın metodologiyası - Azərbaycanla dünya ölkələri və beynəlxalq təşkilatlar arasında əlaqələrin mövcud vəziyyəti və inkişaf perspektivləri təhlil edilmişdir. Bu isti­qa­mət­də beynəlxalq səviyyədə reytinq qiymətləndirmələrinə diqqət yetirilmişdir.

Tədqiqatın tətbiqi əhəmiyyəti - müasir dövrdə Azərbaycanın iqtisadi və siyasi stra­te­gi­yası dünyada baş verən qlobal iqtisadi proseslərlə bilavasitə bağlıdır. Respublikanın bazar iq­ti­­sadiyyatına keçməsi onun dünya siyasətində və beynəlxalq aləmdə bir subyekt kimi ta­nın­ması ilə yanaşı cəmiyyətin iqtisadi, siyasi və demoqrafik strukturasını bütövlükdə də­yiş­miş­dir. Respublikada mövcud stabil şəraitin hesabına iqtisadiyyatın əsas prioritetləri müəyyən edil­miş, bazar iqtisadiyyatında yeniləşməni həyata keçirmək məqsədi ilə müvafiq maliyyə struk­turları və milli iqtisadiyyatın inkişafı, xarici və yerli kapitalın cəlb olunması üçün şə­ra­it­lər yaradılmışdır. Beynəlxalq münasibətlərin müasir sisteminin əsas fərqli cəhəti ümumi iq­ti­sa­di, mədəni, sivil, siyasi və hərbi maraqlara malik möhkəm əməkdaşlığın formalaşması və inki­şafından ibarətdir.

Tədqiqatın nəticələri - dünyada yaranmış “intizam” hər bir ölkədən xüsusi ilə yeni müs­təqillik əldə etmiş respublikalardan milli təhlükəsizlik və iqtisadi müstəqilliyin qorunması üçün xarici və daxili amillərin təsirinin özünəməxsus kombinasiyasını tələb edir.

Tədqiqatın orijinallığı və elmi yeniliyi -  beynəlxalq rəqabət dövlətin qar­şısında müəyyən qaydaların yerinə yetirilməsi zəruriyyətini yaradır. Yəni dövlət, milli iqtisadiyyatın rəqabət aparmaq qabiliyyətini təmin etməkdən ötrü təbii sərvətlərin və iqti­sa­diy­yatın mühüm sahələrinə, ölkə vətəndaşları və iş adamlarının mənafelərinin, eləcə də milli nə­zarətin qorun­ma­sına yönəlmiş bu qaydaları ölkəsinə aid uyğunlaşdırmalıdır.

Açar sözlər: tranzit,ticarət, kapital, inteqrasiya, iqtisadi mexanizmlər, maliyyə bazarı.