Tədqiqatın məqsədi - məqalədə maliyyə-bank mexanizmlərinin səmərəliliyinin artı­rıl­ma­sında sistem əhəmiyyətli bankların strateji əhəmiyyəti tədqiq olunmuşdur. Bu məqsədlə maliyyə-bank mexanizmlərinin mahiyyəti və əsas komponentləri təhlil olunmuşdur. Maliyyə-bank mexanizmlərinin səmərəliliyinin artırılmasında bankların rolu açıqlanmışdır. Ölkənin ma­liyyə-bank sisteminin sabitliyində və səmərəli fəaliyyət göstərməsində bankların strateji əhə­­miyyəti əsaslandırılmışdır. Bank sektorunun sabit və məhsuldar fəaliyyəti hesabına maliyyə-bank mexanizmlərinin makroiqtisadi və makromaliyyə göstəricilərinin tarazlaş­dı­rıl­ma­sında funksiyaları təhlil edilmişdir. Maliyyə xidmətləri bazarının tələblərinə uyğun şəkildə maliyyə-bank mexanizmlərinin təkmilləşdirilməsi problemlərinə baxılmışdır.

Tədqiqatın metodologiyası - sistemli və müqayisəli təhlil, maliyyə-bank me­xa­nizm­lə­ri­nin səmərəlilik prinsiplərindən çıxış etməklə, metodoloji yanaşmalar və üsullardan, müxtəlif təd­­qiqatçıların elmi baxışlarından və əsərlərində yer almış elmi müddəalardan, fikir və mü­la­hi­zələrdən ibarətdir.

Tədqiqatın tətbiqi əhəmiyyəti - tədqiqatda verilmiş materiallardan və əldə olunmuş nə­ticələrdən Azərbaycanda maliyyə-bank mexanizmlərinin səmərəliliyinin yüksəldilməsində, yeni strategiyaların və fəaliyyət mexanizmlərinin hazırlanmasında, eyni zamanda dərsliklərin və dərs vəsaitlərinin yazılmasında istifadə edilə bilər.

Tədqiqatın nəticələri – müasir dövrdə maliyyə-bank mexanizmlərinin səmərəliliyinin yük­səldilməsi problemləri və həlli yollarının müəyyənləşdirilməsi üzrə konseptual yanaş­ma­la­rın təmin edilməsi, tövsiyələr və təkliflərin hazırlanmasıdır.

Tədqiqatın orijinallığı və elmi yeniliyi – tədqiqat işində qoyulan problemlər üzrə müx­tə­lif tədqiqatçıların elmi əsərlərinə istinad olunmuşdur, amma bununla belə müəllif təxəyyülü üs­tün­lük təşkil edir. Tədqiqatın elmi yeniliyi əsas etibarı ilə maliyyə-bank mexanizmlərinin sə­mərəliliyinin yüksəldilməsinə müasir baxışların təmin edilməsi və bu mexanizmlərin yeni ma­liyyə-bank çağırışlarına uyğun şəkildə təkmilləşdirilməsinin vacibliyinin əsas­lan­dı­rıl­ma­sı­dır. Tədqiqat işində sistem əhəmiyyətli bankların multiplikativ xüsusiyyətləri hesabına maliyyə-bank mexanizmlərinin səmərəliliyinin yüksəldilməsi məsələləri sistemləşdirilmişdir. Sistem əhəmiyyətli bankların fəaliyyətinin təkmilləşdirilməsi problemləri açıqlanmış və on­la­rın həllində dəstəkləyici mexanizmlərin, o cümlədən dövlət dəstəyi mexanizmlərinin fəal şə­kil­də tətbiq olunmasının vacibliyi əsaslandırılmışdır.

Açar sözləri: maliyyə-bank mexanizmləri, sistem əhəmiyyətli banklar, maliyyə xid­mət­ləri bazarı, sistem əhəmiyyətli bankların funksiyaları, sistem əhəmiyyətli bankların strateji əhə­miyyəti, maliyyə-bank mexanizmlərinin səmərəlilik problemləri.