Tədqiqatın məqsədi. Hər bir ölkədə əhalinin həyat səviyyəsini təyin edən əsas meyar onun sosial müdafiə sisteminin vəziyyətidir. Sosial müdafiə sistemi baxımından əhalinin so­si­al müavinətlərin, əmək pensiyalarının və digər sığorta tipli müavinətlərlə yanaşı qeyri-dövlət pen­siya fondları hesabına da təmin etmək mümkündür. Tədqiqatın məqsədi qeyri-dövlət pen­si­ya fondları sisteminin formalaşdırılması və onların ölkənin iqtisadi sisteminə trans­for­ma­si­ya­sının nəzəri və hüquqi aspektlərinin öyrənilməsi və bu istiqamətdə əməli təkliflərin əsas­lan­dırıl­masıdır.

Tədqiqat metodologiyası müasir dünya təsərrüfatı üzrə qeyri-dövlət pensiya fondları sisteminin statistik materiallar əsasında öyrənilməsi və bu istiqamətdə yazılan iqtisadi ədəbiy­yat­larda olan  nəzəri ümumiləşdirmələr aparmaqdan ibarətdir.   Eyni zamanda statistik təhli­l­lər, sistemli yanaşma, fundamental təhlil və s. kimi elmi metodlardan istifadə edilib.

Tədqiqatın tətbiqi əhəmiyyəti. Tədqiqatda qeyri-dövlət pensiya fondlarının dünya ölkələri üzrə vəziyyəti və həmin ölkələrdə sosial müdafiə sisteminin formalaşmasına təsiri xü­su­si proqram təminatlarında istifadə edilərək tədqiq edilmişdir. Təklif olunan təhlil metodikası bir ölkənin qeyri-dövlət pensiya fondunun sosial hökumət sistemində rolunu qiymətlən­dir­mə­yə imkan verəcəkdir.

Tədqiqatın nəticələri.  Araşdırma nəticəsində bir sıra dünya ölkələrində qeyri-dövlət pen­­siya fondlarının maliyyə imkanları, inkişaf xüsusiyyətləri və perspektivləri müəyyənləş­di­ril­miş və qeyri-pensiya fondlarının ümumi makroiqtisadi göstəricilərlə müqayisəli vəziyyəti təd­qiq edilmişdir.

Tədqiqatın orijinallığı və elmi yeniliyi. Tədqiqat işində riyazi-statistik hesablama­lar­dan xüsusi proqram təminatları və Excel proqramının imkanlarından istifadə edilmişdir. İnki­şaf etmiş bir sıra ölkələrin qeyri-dövlət pensiya fondunun iqtisadi göstəriciləri makroiqtisadi gös­təricilərlə əlaqəli öyrənilmişdir.

Açar sözlər: qeyri-dövlət pensiya fondları, fəaliyyət sisteminin təminat obyektləri, pen­si­ya fondlarına məcburi ödənişlər, korrelyasiya əmsalı, özəl pensiya fondlarına yönəldilmiş in­ves­tisiyalar.