X Ü L A S Ə

Tədqiqatın məqsədi – Azərbaycanda qiymətli kağızlar bazarının formalaşma mərhələ­lərini və mövcud inkişaf səviyyəsini təhlil etmək, əsas məhdudiyyətləri və problemləri müəy­yən­ləşdirmək, həmçinin bazarın dərinləşdirilməsi üçün yeni alətlərin və institusional islahat­ların tətbiqi imkanlarını araşdırmaqdır.

Tədqiqatın metodologiyası – araşdırmada müqayisəli, iqtisadi-statistik, amillər üzrə və sistemli təhlil metodlarından istifadə olunaraq, Azərbaycanın qiymətli kağızlar bazarı beynəl­xalq göstəricilərlə müqayisə edilmiş və rəsmi statistik məlumatlar əsasında obyektiv nəticələr əl­də edilmişdir.

Tədqiqatın tətbiqi əhəmiyyəti – araşdırmanın nəticələri qiymətli kağızlar bazarının inkişafı üçün nəzəri əsasların formalaşdırılmasına, eləcə də dövlət siyasətinin təkmilləş­diril­məsi, emitentlərin şəffaflığının artırılması, investor strategiyalarının diversifika­siyası və nəza­rət mexanizmlərinin gücləndirilməsi üçün praktiki tətbiqə xidmət edir.

Tədqiqatın nəticələri – Azərbaycanda qiymətli kağızlar bazarı hələ də inkişaf mərhə­lə­sin­də olmaqla dövlət istiqrazlarına əsaslanır, lakin yeni alətlərin – yaşıl istiqrazların, rəqəmsal ak­tiv­lərin tətbiqi bazarın inkişafı üçün mühüm perspektivlər açır.

Tədqiqatın orijinallığı və elmi yeniliyi – tədqiqatın orijinallığı qiymətli kağızlar baza­rının inkişafının yalnız makroiqtisadi göstəricilər əsasında deyil, sosial və institusional müstə­vidə də kompleks şəkildə təhlil olunmasında özünü göstərir. Elmi yeniliklər isə alternativ maliyyələşdirmə vasitələrinin bazara inteqrasiyası və Qarabağ regionunun bərpası kimi strate­ji hədəflərin maliyyələşdirilməsində rolunun ilk dəfə ayrıca analitik müstəvidə araşdırılma­sın­dan ibarətdir.

Açar sözlər: qiymətli kağızlar bazarı, kapital bazarı, korporativ idarəetmə, yaşıl istiq­raz­lar, rəqəmsal transformasiya, beynəlxalq inteqrasiya.

http://doi.org/10.59610/bbu1.2026.1.6.