X Ü L A S Ə

Tədqiqatın məqsədi – milli iqtisadi inkişafda maliyyə amillərinin rolunu araşdırmaq, onların effektivliyini artıran imkanları və məhdudlaşdıran çətinlikləri müəyyənləşdirməkdir.

Tədqiqatın metodologiyası – məqalədə mövcud ədəbiyyatın nəzəri icmalı, statistik gös­tə­ricilər əsasında analitik təhlil, müqayisəli qiymətləndirmə və empirik yanaşmalardan istifadə olunmuşdur.

Tədqiqatın tətbiqi əhəmiyyəti – əldə edilən nəticələr dövlətin sosial-iqtisadi siyasəti, maliyyə institutlarının strateji fəaliyyəti və sahibkarlığın inkişafı üçün praktiki əhəmiyyətə malikdir. Nəticələr həmçinin maliyyə inklüzivliyi və dayanıqlı inkişafla bağlı gələcək elmi araşdırmalara nəzəri əsas yaradır.

Tədqiqatın nəticələri – təhlillər göstərir ki, maliyyə institutlarının səmərəsizliyi, kredit əlçatanlığının məhdudluğu, zəif maliyyə infrastrukturu və siyasətdəki qeyri-sabitlik milli iqti­sadi artım üçün əsas maneələrdir. Bununla yanaşı, maliyyə sektorunda islahatlar, rəqəmsal ma­liy­yə xidmətləri və innovativ maliyyə alətləri kapitalın daha səmərəli səfərbər edilməsinə imkan verir.

Tədqiqatın orijinallığı və elmi yeniliyi – məqalədə milli iqtisadi inkişafda maliyyə amillərinin rolunun kompleks təhlili təqdim olunmuş, maliyyə savadlılığının artırılması, dövlət-özəl tərəfdaşlıqlarının genişləndirilməsi və yeni maliyyə texnologiyalarının tətbiqi üzrə elmi tövsiyələr verilmişdir.

Açar sözlər: maliyyə amilləri, milli iqtisadi inkişaf, maliyyə inklüzivliyi, investisiya, kre­dit əlçatanlığı, maliyyə islahatları, iqtisadi artım, maliyyə infrastrukturu, fiskal siyasət, dayanıq­lı inkişaf.

http://doi.org/10.59610/bbu3.2025.3.6