Tədqiqatın məqsədi – Azərbaycanda qiymətli kağızlar bazarının inkişaf etdirilməsinin aktual problemləri və perspektivlərinin tədqiqindən ibarətdir. Bu məqsədlə qiymətli kağızlar bazarının funksiyalarının mahiyyəti və spesifik cəhətləri açıqlanmışdır. Müasir şəraitdə qiy­mət­li kağızlar bazarının inkişaf etdirilməsinin ölkənin maliyyə bazarının genişləndi­ril­mə­sinə təsiri baxılmışdır. Maliyyə xidmətlərinin strukturunun təkmilləşdirilməsində və diver­si­fika­siyalaşdırılmasında qiymətli kağızlarla bağlı xidmətlərin rolu təhlil olunmuşdur. İqti­sa­diy­ya­tın müxtəlif sahələrinin maliyyələşdirilməsində qiymətli kağızlar bazarının əhəmiyyəti araş­dı­rıl­mışdır. Alternativ maliyyə mənbələri kimi real iqtisadiyyatın kreditləşdirilməsinin əl­ça­tan­lığında qiymətli kağızlar bazarının inkişaf etdirilməsinin vacibliyi bildirilmişdir. Qiymətli ka­ğızlar bazarında sağlam və şəffaf fəaliyyət mühitinin, investisiya cəlbediciliyinin təmin olun­masını ləngidən problemlər açıqlanmışdır. Azərbaycanda qlobal maliyyə çağırışları və iqti­sadi islahatların dərinləşdiyi bir şəraitdə qiymətli kağızlar bazarının inkişaf etdirilməsinin əsas hədəfləri və strateji fəaliyyət istiqamətləri müəyyənləşdirilmişdir.

Tədqiqatın metodologiyası – baxılan problemlərə dair sistemli və müqayisəli təhlildən, öl­kədə qiymətli kağızlar bazarının inkişaf etdirilməsinin aktual problemləri və perspektivləri üzrə metodoloji yanaşmalardan, eyni zamanda bu sahədə ixtisaslaşan tədqiqatçıların elmi əsər­­lərindəki yanaşmalardan və üsullardan ibarətdir.

Tədqiqatın tətbiqi əhəmiyyəti - tədqiqat prosesində əldə edilmiş nəticələrdən və baş­lı­ca müddəalardan Azərbaycanda qiymətli kağızlar bazarının inkişaf etdirilməsinin aktual prob­lem­lərinin həlli məqsədilə müvafiq mexanizmlərin və fəaliyyət strategiyalarının hazır­lan­ma­sın­da istifadə edilə bilər. 

Tədqiqatın nəticələri – Azərbaycanda qiymətli kağızlar bazarının inkişaf etdiril­mə­si­nin aktual problemləri açıqlanaraq, bu isitqamətdə mövcud potensial və perspektivli fəaliyyət istiqamətləri müəyyənləşdirilmiş, mövcud problemlərin həllinə dair tövsiyələr və təkliflər ha­zır­lanmışdır. 

Tədqiqatın orijinallığı və elmi yeniliyi – tədqiqatda araşdırılan problemlər üzrə hazırkı döv­rün çağırışlarına uyğun baxışlar formalaşdırılmış və strateji yanaşmalar müəyyən­ləş­diril­miş­dir. Qiymətli kağızlar bazarının inkişaf etdirilməsi üçün müvafiq infrastrukturun formalaş­dırıl­ması və dünya təcrübəsinin dərindən öyrənilməsinin vacibliyi əsaslandırılmışdır. Maliyyə baza­rındakı rolu və əhəmiyyəti nəzərə alınmaqla, qiymətli kağızlar bazarının mühüm funk­si­yaları açıqlanmış və onların rolu müəyyənləşdirilmişdir. Qiymətli kağızlar bazarının səmə­rə­li­li­yinin artırılması hesabına real iqtisadiyyatın kreditləşdirilməsində alternativ mexanizmlərin ya­­r­adıl­­masının vacibliyi əsaslandırılmışdır. Qiymətli kağızlar bazarının işlək idarəetmə me­xa­nizm­­lərinin təşkilinə zərurətin olduğu açıqlanmışdır. Beynəlxalq təcrübədən çıxış etməklə, Azər­baycanda qiymətli kağızlar bazarının milli iqtisadiyyatın maliyyələşdiril­mə­sində əhə­miyyəti verilmişdir. Yaxın perspektivdə ölkədə qiymətli kağızlar bazarının inkişa­fı­nın int­en­siv­ləşdirilməsi üzrə əsaslandırılmış təkliflər hazırlanmışdır.

Açar sözlər: qiymətli kağızlar bazarı, qiymətli kağızlar, qiymətli kağızlar bazarının in­ki­­şaf problemləri, maliyyə bazarları, alternativ maliyyə mənbələri, real iqtisadiyyatın kredit­ləş­dirilməsi, qiymətli kağızlar bazarının inkişaf perspektivləri.