Tədqiqatın məqsədi - məqalədə 1970-1985-ci illərdə Sumqayıtın sənaye mərkəzi kimi inki­­şafının strateji aspektləri təhlil edilmiş və araşdırılmışdır. Bu məqsədlə həmin dövrdə Sum­qayıtın sənaye mərkəzi kimi inkişaf prosesləri təhlil olunmuş və qiymətləndirilmişdir. Sənaye potensialı ilə yanaşı, şəhər təsərrüfatının inkişafı məsələləri də diqqət mərkəzində saxlanılmışdır. Həmin dövrdə Sumqayıtın sosial-iqtisadi inkişaf proseslərinin əsas xü­su­siy­yət­ləri açıqlanmışdır. Keçmiş SSRİ-nin planlaşdırma və inzibati idarəetmə sisteminin Sum­qa­yı­tın sosial-iqtisadi inkişafına təsiri araşdırılmışdır. Mərkəzdən şəhərin inkişafına müna­si­bət­lər­dəki ziddiyyətlərin səbəbləri və bunları şərtləndirən amillər verilmişdir. Sumqayıtın sənaye po­tensialının gücləndirilməsində və şəhərin sosial-iqtisadi inkişafının sürətləndirilməsində Heydər Əliyevin tarixi xidmətləri baxılmış və qiymətləndirilmişdir.

Tədqiqatın metodologiyası - sistemli və müqayisəli təhlil, 1970-1985-ci illərdə Sum­qa­yıtın sənaye mərkəzi kimi inkişafının strateji aspektlərindən yanaşmaqla, metodoloji üsul­lar­dan, həmçinin müxtəlif tədqiqatçıların elmi əsərlərində yer almış müddəalardan, elmi ar­qu­ment­lərdən ibarətdir.

Tədqiqatın tətbiqi əhəmiyyəti - tədqiqatda verilmiş materiallardan və əldə olunmuş nə­ti­cələrdən Sumqayıtın sənaye mərkəzi kimi inkişafının strateji aspektlərinin müasir dövrün tə­ləblərinə uyğun şəkildə yenilənməsi, şəhərin sosial-iqtisadi inkişafı ilə bağlı yeni dövlət və inkişaf proqramlarının hazırlanmasında istifadə oluna bilər.

Tədqiqatın nəticələri – müasir dövrdə 1970-1985-ci illərdə Sumqayıtın sənaye mərkəzi kimi inkişafının strateji aspektləri açıqlanmış, şəhərin sənaye mərkəzi kimi gücləndirilməsi istiqamətində konseptual yanaşmalar ümumiləşdirilmiş, tövsiyələr və təkliflər hazırlanmışdır.

Tədqiqatın orijinallığı və elmi yeniliyi – tədqiqat işində qoyulan problemlər üzrə müxtəlif tədqiqatçıların elmi əsərlərindən bəhrələnmişdir, eyni zamanda müəllif fikirləri və ya­naş­maları daha çox üstünlük təşkil edir. Müəllif Sumqayıt şəhərinin sənaye mərkəzi kimi inki­şafının müəyyən dövr ərzində strateji aspektlərinin dərinliklə açılmasına nail olmuş, iq­ti­sadi-tarixi aspektlər obyektiv olaraq qiymətləndirilmişdir. Şəhərin sosial-iqtisadi ob­yekt­lə­ri­nin inkişaf proseslərinin qanunauyğunluqları sistemləşdirilmişdir.

Açar sözləri: Sumqayıt şəhəri, sənaye mərkəzi, şəhər təsərrüfatı, sənaye potensialı, strateji aspektlər, sosial-iqtisadi inkişaf.